بيروت - ايمان الباجي - أعلنت المذيعة المصرية أميمة البدري عن مرورها بأزمة صحية مفاجئة تسببت لها في فقدانها النطق بعد تعرضها لأزمة نفسية.
ونشرت أميمة منشوراً استغاثت فيه وتطلب المساعدة عبر صفحتها على “فيسبوك” قالت فيه: “أنا محتاجة حد يساعدني أرجوكم أنا فجأة فقدت النطق مش عارفة أنطق ولا أتكلم وشفتي طبقت زي البكم والصم وصوتي مش طالع ومش قادرة آخد نفسي أنا خايفة ومش عارفة أعمل إيه أنا تعبانة جدًا ومش قادرة أنا مخضوضة من اللي حصلي”.
وبعدها بساعات نشرت منشوراً آخر وجهت خلاله الشكر إلى جمهورها وطلبت الدعاء لها، حيث نشرت صورة للتحاليل التي أجرتها وكتبت: “الحمد لله رب العالمين على كل حاجة حصلت ليا، أنا بكتب وأنا مش قادرة لاطمنكم أنا روحت المستشفى وعملت الأشعة المقطعية على المخ”.
وأضافت: “الحمد لله مفيش جلطة بس للأسف فقدت النطق بسبب إني زعلت جامد أدعولي دعوة صادقة، أنا محتاجة لدعواتكم وشكراً لكل اللي بيكلمني بس حرفياً مش قادرة من الصدمة”.
وتابعت البدري: “أنا دكتور كتبلي أدوية وقالي لازم أرتاح تمامًا وخلال ثلاثة أيام لو مش اتحسنت ورجعت أتكلم هتابع مع دكتور أعصاب وأعمل جلسات كهرباء لأعرف أتحسن ادعولي أعرف أنطق تاني وأرجع لحياتي”.
واختتمت منشورها قائلة: “أنا نفسياً مش أحسن حاجة دعواتكم وشكراً للتواصل معايا ولكل واحد حاول يكلمني ويساعدني وشكراً للي جالي البيت ووداني المستشفى دعواتكم، واللي يعرف الأدوية دي تمام ولا حد يقولي أعمل إيه لأن أنا قلقانة”.
وبعدها، ظهرت أميمة البدري، في فيديو وضح عليها علامات صعوبة التحدث وعدم القدرة على نطق الكلام، ولكنها حاولت طمأنة جمهورها، معلنة سبب فقدانها للنطق وهو تعرضها لأزمة نفسية.
وعلقت أميمة على الفيديو قائلة: “شكرًا لكل حد بيسأل وبيطمن عليا بس ده حالي، وصوتي طلع حبة الصبح مكانش في أي صوت، ولا حركة شفايفي ولسة تعبانة، فمش عارفة ولا قادرة أتواصل قُلت أطمّنكم بحالي هنا أسهل، دعواتكم والحمد لله علي كل شيء.. وبقولكم آسفة لكل حد بيطمن، ومش عارفة أرد بس ادعولي أكون كويسة”.